Tarim oymanliqida yene yéngidin zor miqdarda tebi'iy gaz zapisi bayqaldi

Xitay tarim oymanliqidiki tebi'iy gaz zapas miqdarining bir tirilyon kub métirdin artuq ikenlikini élan qildi. Bu heqte xitayning shinxu'a xewer tori xewer tarqatqan bolup, xewerde xitay boyiche eng chong tebi'iy gazliq hésablinidighan tarim néfitliqidiki mezkur zor miqdardiki tebi'iy gaz zapisi arqiliq "gherbning gézini sherqqe toshush qurulushi" ni 30 yilghiche muqim tebi'iy gaz bilen teminleshke bolidighanliqi mu'eyyenleshtürülgen.
Muxbirimiz ümüdwar
2010-02-14
Élxet
Pikir
Share
Print

Xitay hökümiti 2004 - yili, tarim wadisidiki tebi'iy gazlarni xitayning ichkiri ölkilirini, bolupmu déngiz boyidiki sheherlerni teminleshni meqset qilidighan "gherbning gézini sherqqe toshush" turuba qurulushini resmiy ishqa kirishtürüp, 5 yildin buyan tarimning tebi'iy gazliri bilen xitayning sherqighe jaylashqan 14 ölkidiki 80 nechche sheher xelqini teminlewatqan bolup, tarim tebi'iy gazliri bilen teminliniwatqan ahalining omumiy sani 300 milyon'gha yétidiken.

Xewerde éytilishiche, besh yildin buyan tarim oymanliqidin mezkur gaz turubisi arqiliq 60 milyard kubmétir tebi'iy gaz ichkirige toshulup, xitay boyiche tebi'iy gaz qézishta birinchi orunni igiligen. Xitay merkiziy hökümiti yene, Uyghur élining kömür we néfit zapaslirini ichkirige toshuydighan "gherb - sherq toshush qurulush"lirini tesis qilghan bolup, téxi yéqindila qumuldiki kömür kanliridin 2009 - yilida ichkirige toshup kétilgen kömür miqdari élan qilin'ghan idi.

Béyjing hökümiti néfit we tebi'iy gaz miqdari eng köp hésablinidighan tarim oymanliqining etrapidiki Uyghurlar zich olturaqlashqan nahiyilerni xitay boyiche eng kembeghel nahiyiler tizimlikige kirgüzgen bolup, bu jaylardiki Uyghurlarni asas qilghan yéza we sheher puqralirining yilliq otturiche kirimi xitay boyiche eng arqidin sanilidighanlar hésablinidu.

Toluq bet