Taylandtiki öktichi-qizil maykiliqlar yene namayish qildi

Uzundin buyan öktichilik naraziliq heriketlirini dawamlashturuwatqan taylandtiki qizil maykiliqlar yekshenbe küni bankok shehiride keng kölemlik naraziliq namayishi ötküzüp, hökümettin tayland saqchiliri teripidin ötken yili qolgha élin'ghan qizi maykiliqlar herikitining rehberlirini qoyup bérishni telep qildi.
Muxbirimiz ümidwar
2011-01-23
Share

Fransiye agéntliqining xewer qilishiche, texminen 27 ming adem tinch usulda namayish qilip, sheherning soda kochilirini aylan'ghan.

Ötken yili, aprél we may aylirida qizil maykiliqlarning keng kölemlik naraziliq namayishi axirida toqunushqa aylinip, saqchilar bilen namayishchilar arisida  her xil qattiq wasitilerni ishlitish we oq chiqirish kélip chiqqan idi. Toqunush netijiside 90 adem ölgen.

Ötken yilidiki namayishchilar bash ministir abxist wéjjajiwani hoquqtin chüshüshke chaqirghan, namayish basturulup, namayishchilarning rehberliri qolgha élin'ghan we hazirghiche qoyup bérilmigen idi. Qizil maykiliqlar yanwarning bashlirida yene namayish qilghan bolup, adem sani 30 minggha yetken idi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet