تەكلىماكان قۇملۇقىنىڭ بارغانچە كېڭىيىۋاتقانلىقى ئىلگىرى سۈرۈلمەكتە

شۋېتسارىيە رادىئو - تېلېۋىزىيە شىركىتىگە قاراشلىق تور بېتى «swissinfo» دا بېرىلگەن سۈرەتلىك خەۋەرگە قارىغاندا، خوتەن تەۋەسىدىكى تەكلىماكان قۇملۇقى بارغانچە كېڭىيىۋاتقان بولۇپ، بۇ تەكلىماكان چېگرىسىدا ياشاۋاتقان ئۇيغۇرلارنىڭ كۈندىلىك تۇرمۇشىغا تەھدىت سېلىپلا قالماي، ئۇيغۇر مەدەنىيىتىگىمۇ تەھدىت سېلىشقا باشلىغان.


خەۋەر ئاساسلىقى شۋېتسارىيىلىك ئىككى فوتو سۈرەتچى خوتەندىن توپلىغان فوتو سۈرەتلەرگە ئاساسەن يېزىلغان. خەۋەردە سۈرەتلەر ھەققىدە مۇنداق دېيىلگەن: بۇ سۈرەتلەردە شۋېتسارىيىلىك فوتو سۈرەتچىلەر پەيدىن-پەي يوقىلىۋاتقان ئۇيغۇر مەدەنىيىتىنى خاتىرلىگەن.

خەۋەردە يەنە ئۇيغۇرلار ھەققىدە قىسقىچە ئۇچۇر بېرىلگەن بولۇپ، ئۇيغۇرلارنىڭ نۆۋەتتە خىتاي ھۆكۈمىتىنىڭ ئېغىر بېسىم سىياسىتى ئاستىدا ياشاۋاتقانلىقى، مەزكۇر رايوندا ھەددى - ھېسابسىز تەبىئىي گاز ۋە نېفىتلەرنىڭ بايقىلىشىغا ئەگىشىپ خىتاينىڭ ئۇيغۇرلارغا قاراتقان بېسىمنى تېخىمۇ ئاشۇرغانلىقى كۆرسىتىلگەن.