Хитай тәтқиқат елип бериш үчүн шиддәтлик тәклимакан боринида апәткә учриған ақсу, қәшқәр, хотәнләргә мутәхәссис әвәтти

Шинхуа агентлиқиниң бүгүн үрүмчидин хәвәр қилишичә, ақсу, қәшқәр, хотән, корла тәвәсидики қисмән җайлар тәклимакан борининиң 50 йилдин буян көрүлүп бақмиған шиддәтлик һуҗумиға учриған. 28‏ - Март күни йүз бәргән шиддәтлик тәклимакан боринида, ақсуда 60 миң адәм апәткә учриған.
Мухбиримиз вәли
2010.03.31

Бу шиддәтлик боранда еликтир сим түврүклири йеқилған, 29 өй өрүлгән, 3 адәм яриланған, 1201җайдики парник вә 432 мо йәрдә өстүрүлүватқан шал майсиси вәйран болған. Зиян миқдари 10 милйон йүәнгә йетиду.

Хәвәрдә баян қилишичә, қәшқәрниң йеңишәр наһийиси, хотәнниң нийә наһийиси вә корлиниң қисмән районлириму шиддәтлик тәклимакан борининиң һуҗумиға учриған. Бу қетим шиддәтлик тәклимакан борини апитигә учриған бу җайлар дәрһал өзлирини қутқузушқа киришкән. Хитай даирилири апәт йүз бәргән бу җайларға тәтқиқат елип бериш үчүн мутәхәссисләрни әвәткән.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.