Teywen'ge ré'aktip ayropilan sétip bérish qararining yéqinlishishigha egiship amérika-xitay yuqiri derijilik emeldarliri uchrashiti

Obama hökümitining ilghar tiptiki küreshchi ayropilan F-16 qatarliq 6 milyard dollar qimmitidiki herbiy qorallarni teywen'ge sétip bérishke qoshulghanliqi ilgiri sürülgendin kéyin, bu amérika-xitay herbiy munasiwetlirige dexli yetküzgen.

Netijide bu qorallarni teywen'ge sétip bérish ishliri bir qeder keynige sürülgen.

Ötken hepte amérika hökümet xadimliri teywen'ge qoral sétip bérish mesilisining bu yil öktebirde muzakire qilinidighanliqi we qarar élinidighanliqini bildürgen idi.

Amérika dölet ishlar ministirliqining bildürüshiche, xitayning teywen ishlirigha mes'ul emeldari wangyi jüme küni amérikigha kelgen we amérika mu'awin dölet ishla ministiri wilyam burns bilen bu témida söhbet élip barghan.

Söhbet yépiq shekilde élip bérilghan bolup, söhbetke amérika dölet ishlar ministiri hilariy klinton xanimu qisqighina ishtirak qilghan. Halbuki, da'iriler söhbetning tepsilatni ashkarilimidi.

Melum bolushiche, amérika dölet mejlisi tashqi ishlar komitéti teywen'ge qoral sétip bérishni küchlük qollaydighan bolup, ular ötken hepte bu heqte bilet tashlighan.

1979-Yili tüzülgen amérikining teywen qanunigha asasen amérika teywenni qoghdash mejburiyitige ige. Shu sewebtin teywenlikler amérikining qoral sétip béridighanliqigha zor ishench bilen qaraydighan bolup, 9-ayda teywen dölet mudapi'e ministiri gaw xu'achu amérikigha kélidiken we qoral sétip bérish ishlirini qayta telep qilidiken.