Teywen awi'amatkilargha qarshi layihilen'gen yuqiri téxnikiliq bashqurulidighan bomba yasidi

Teywen xitay kelgüside yasash mumkinchiliki bolghan awi'amatkilargha qarshi layihilen'gen yuqiri téxnikiliq bashqurulidighan bombisining resimini ashkarilidi.
Muxbirimiz jüme
2010-04-12
Share

Fransiye agéntliqining xewer qilishiche, teywen da'iriliri layihiligen bu bombining éghirliqi 1000 tonna etrapida bolup, 'awi'amatka qatili' dep atalghan. Mezkur bomba heqqidiki melumatlar ilgiri mexpiy tutulghan bolup, bu tunji qétim jama'etke ashkara körsitishi iken.

Bashqurulidighan bombining tézliki sa'itige 55 kilométir bolup, bu bombini hetta radarmu bayqiyalmaydiken. Nöwette teywen herbiy da'iriliri bu bombilarni özi yasap chiqqan shyungféng - 3 tipliq bashqurulidighan bomba rakitasigha sepleshni oylashmaqta iken.

Nöwette xitay herbiy da'irilirining awi'amatka yasashqa kirishkenliki melum. Xewerde neqil qilinishiche, teywen mutexessisliri xitayning awi'amatka yasap chiqishigha yene 10 yil kétidighanliqini bildürgen.

Eger xitay awi'amatka yasap chiqsa, bu rayon herbiy küch tengpungluqigha éghir derijide tehdit élip kélidiken. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet