Xitay amérikini teywen'ge herbiy esliheler sétip bermeslikke agahlandurdi

Xitay hökümiti jüme küni bayanat élan qilip, amérika hökümitini teywen hawa armiyisige radar esliheliri sétip bermeslikke agahlandurdi.
Muxbirimiz erkin
2010-08-27
Share

Xitay tashqi ishlar ministirliqi amérika hökümitidin amérika shirketlirining teywen'ge radar eslihelirini sétip bérish ruxsetnamisini bikar qilishni telep qilip, buning 2 dölet munasiwitige buzghunchiliq qilidighanliqini tekitligen.

Lékin, amérika dölet ishlar ministirliqi bayanatchisi krowli buningdin sel burun amérika terepning herikitini aqlap, radar eslihelirini sétip bérish ruxsetnamisi alghan amérika shirkitining teywenni mudapi'e xaraktérlik téxnika we esliheler bilen teminlep, teywenning hazirqi mewjut hawa mudapi'e radar sistémisining iqtidarini yuqiri kötürüshke yardem qilidighanliqini ilgiri sürgen.

Xitay tashqi ishlar ministirliqi bayanatchisi jyang yüy amérikini agahlandurup, junggo amérikining teywenni herbiy qoral - yaraq we munasiwetlik téxnikilar bilen teminlishige qet'iy qarshi turidighanliqini bildürgen. U yene junggo terepning amérikini bu xata qararini qayturuwélishqa chaqirip, teywen'ge qoral - yaraq sétish, teywen bilen herbiy alaqe qilishni toxtitip, ikki dölet munasiwitining yene yarilinishidin saqlinishni telep qilidighanliqini tekitligen.

Amérika - teywen qoral - yaraq sodisi amérika - xitay arisida izchil talash - tartishtiki mesile bolup kelgen idi. Lékin, amérika "teywen munasiwet qanuni"gha asasen teywenning herbiy tajawuzchiliqqa uchrashtin qoghdash mes'uliyiti barliqini eskertip keldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet