Teywen géziti: "amérika teywen'ge ikki herbiy paraxot sétip bermekchi"

Teywendiki bir gézit peyshenbe künidiki xewiride amérikining teywen'ge ikki herbiy paraxot sétip béridighanliqini xewer qildi. Birleshme agéntliqining xewer qilishiche, bu gézit xewirini teywendiki bir emeldarning sözige asasen bergen bolup, xewerde amérika déngiz armiyisi yéqinda teywen'ge ikki herbiy paraxot sétip bérishke maqul boldi dep körsitilgen. Uningda éytilishiche, paraxotlarning her biri 20 milyon dollar qimmitide bolup, amérika tashqi ishlar ministirliqi bu yilning axiri yaki 2011 - yilining béshida qararni maqullaydiken.
Muxbirimiz irade
2010-08-05
Élxet
Pikir
Share
Print
Teywendiki bir gézit peyshenbe künidiki xewiride amérikining teywen'ge ikki herbiy paraxot sétip béridighanliqini xewer qildi. Birleshme agéntliqining xewer qilishiche, bu gézit xewirini teywendiki bir emeldarning sözige asasen bergen bolup, xewerde amérika déngiz armiyisi yéqinda teywen'ge ikki herbiy paraxot sétip bérishke maqul boldi dep körsitilgen. Uningda éytilishiche, paraxotlarning her biri 20 milyon dollar qimmitide bolup, amérika tashqi ishlar ministirliqi bu yilning axiri yaki 2011 - yilining béshida qararni maqullaydiken.
Xewer tarqalghandin kéyin teywen mudapi'e ministirliqi we amérikining teywende turushluq elchiliki bu xewerning rast - yalghanliqi heqqide ipade bildürüshni ret qilghan.

Amérika - xitay munasiwetliri yéqinqi künlerde amérika bilen jenubiy koriyining jenubiy déngizda élip barghan birleshme herbiy manéwiri sewebidin jiddiyliship qalghan idi. Uning üstige amérika tashqi ishlar ministiri hillariy kilinton xanim yéqinda wéytnamda échilghan sherqiy asiya elliri hemkarliq yighinida, " déngizda erkin seper qilish, asiyadiki ortaq déngizgha kirish we jenubiy xitay déngizidiki xelq'araliq qanunlarning hörmet qilinishi qatarliqlarda amérika qoshma shtatlirining dölet menpe'eti bar" dégen.

Béyjing da'iriliri bolsa klinton xanimning bu bayanlirini bir " hujum" dep qarighan idi.

Birleshme agéntliqining bildürüshiche, eger teywen gézitide élan qilin'ghan bu xewer rast bolup chiqsa, bu ikki dölet munasiwitini téximu jiddiyleshtürüwétishi mumkin iken.
Toluq bet