Teywen prézidénti ma yingju, shinxu'a agéntliqining ziyaret teklipini ret qildi

Teywen prézidénti ma yingju, xitay axbarati shinxu'aning ziyaret qilish teklipini ret qildi. Bu heqtiki xewerni teywen hökümiti bayanatchisi 2 - noyabir düshenbe küni jakarlidi.
Muxbirimiz jüme
2009-11-02
Élxet
Pikir
Share
Print

Bayanatchining bildürüshiche, teywen prézidénti ma yingju waqti toghra kelmigenlikini körsitip shinxu'a axbaratining ziyaret qilish telipini ret qilghan.

Teywen hökümiti axbarat ishxanisining mudiri sun jingping: "bu heqtiki teklipnamini prézidént qobul qilmidi" dégen we yene, waqt mesilisiningmu mezkur teklipning ret qilinishigha seweb bolghan amillarning biri ikenlikini otturigha qoyghan.

Teywen da'iriliri teywende turushluq xitay chong quruqluq muxbirlirining teywende heriket qilish cheklimisini bir az boshatqan idi. Melum bolushiche, hazir xitay muxbirliri teybéy shehiri sirtida pa'aliyet élip barmaqchi bolsa teywen da'iriliridin ruxset almisimu bolidiken.

Ma yingju otken yili teywen prézidénti bolup saylan'ghandin kéyin, xitaygha mayil siyasetlerni yürgüzgen idi. Ma yingjuning xitay axbaratining ziyaret telipini ret qilishi xitay - teywen munasiwetliri yene bir qatar sinaqlargha duch kéliwatqan peytlerge toghra keldi.

Toluq bet