Тәйвән президентиниң ханими русийини зиярәт қилиду

Бирләшмә агентлиқиниң хәвәр қилишичә, тәйвәнниң биринчи ханими сәйшәнбә күни тәйвән тиятир гурупписи билән биргә русийини зиярәт қилидикән.
Мухбиримиз үмүдвар
2010.06.06
Share on WhatsApp
Share on WhatsApp

Тәйвән президентиниң ханими кристина човниң русийидә зиярәттә болидиғанлиқидин ибарәт бу хәвәрни тәйвән президентиниң баянатчиси ашкарилиған.

Хәвәрләрдин мәлум болушичә, русийә билән тәйвән арисидики мунасивәтләр совет иттипақиниң ахирқи дәврлиридә башланған болуп, сабиқ президент борис йелтсин дәвридә москва билән тәйвән арисида рәсмий мунасивәт орнитилип, москвада тәйвәнниң ғәйри дипломатик орни қурулған иди.

Әслидә москва җуңхуа минго һөкүмити билән дипломатик мунасивәткә игә болуп, 1949 - йилидин кейин бу мунасивәт үзүлгән. Русийә һөкүмити изчил түрдә хитайға тәйвәнни қоллимаслиқ һәққидә вәдә берип кәлмәктә иди. Бундақ әһвал астида тәйвән биринчи ханиминиң русийини зиярәт қилиши бир йеңилиқ һесаблинидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.