Мухбиримиз җумә
2010-06-26
Бирләшмә агентлиқида нәқил қилишичә, нурғунлиған намайишчилар қоллирида "коммунист хитайға қучақ ечиш, бир шәрмәндичилик", "тәйвәнни қоғдайли, хизмитимизни қоғдайли" дегәндәк плакатларни көтүрүшкән. Намайишчилар топи тәйбей шәһәр кочилирида айлинип президент сарийи алдиға йиғилған.
Мәлум болушичә, намайишни тәйвән демократийә илгириләш партийиси уюштурған. Улар мәзкур сода келишими имзалиништин бурун оз пикирлирини оттуриға қоюшқа һәқлиқ икәнликини илгири сүрүшкән.
Тәйвән сақчи даирилири намайишқа 32 миң адәм қатнашқанлиқини билдүргән болса, намайиш тәшкиллигүчилири намайишчиларниң 10 миңдин ашидиғанлиқини оттуриға қойған.
Ма йиңҗу һөкүмити алдимиздики сәйшәнбә күни хитайниң чуңчиң шәһири билән "иқтисадий һәмкарлиқ қурулма келишими" ни имзалимақчи иди. Тәйвән һөкүмәт даирилири йәнә, әгәр мәзкур келишим һасил қилинса тәйвән чегра беҗида етибарға еришидиғанлиқини илгири сүргән. Һалбуки, тәйвән демократик илгириләш партийиси бу келишимниң тәйвәнгә зиян елип келидиғанлиқини илгири сүрмәктә.
