Teywen öktichiliri xitay bilen teywen arisida tüzülüdighan soda kélishimige naraziliq bildürdi

Shenbe küni minglighan teywen öktichiliri teybéy shehiride namayish qilip, yéqinda xitay bilen teywen arisida tüzülidighan soda kélishimige naraziliq bildürdi.
Muxbirimiz jume
2010-06-26
Élxet
Pikir
Share
Print

Birleshme agéntliqida neqil qilishiche, nurghunlighan namayishchilar qollirida "kommunist xitaygha quchaq échish, bir shermendichilik", "teywenni qoghdayli, xizmitimizni qoghdayli" dégendek plakatlarni kötürüshken. Namayishchilar topi teybéy sheher kochilirida aylinip prézidént sariyi aldigha yighilghan.

Melum bolushiche, namayishni teywen démokratiye ilgirilesh partiyisi uyushturghan. Ular mezkur soda kélishimi imzalinishtin burun oz pikirlirini otturigha qoyushqa heqliq ikenlikini ilgiri sürüshken.

Teywen saqchi da'iriliri namayishqa 32 ming adem qatnashqanliqini bildürgen bolsa, namayish teshkilligüchiliri namayishchilarning 10 mingdin ashidighanliqini otturigha qoyghan.

Ma yingju hökümiti aldimizdiki seyshenbe küni xitayning chungching shehiri bilen "iqtisadiy hemkarliq qurulma kélishimi" ni imzalimaqchi idi. Teywen hökümet da'iriliri yene, eger mezkur kélishim hasil qilinsa teywen chégra béjida étibargha érishidighanliqini ilgiri sürgen. Halbuki, teywen démokratik ilgirilesh partiyisi bu kélishimning teywen'ge ziyan élip kélidighanliqini ilgiri sürmekte.

Toluq bet