' Teywen - xitay siyasiti teywen xelqining rayini sinash asasida wujudqa chiqishi kérek '

Teywen xitay bilen imzalash aldida turghan soda kélishimining, teywen xelqining rayini sinash asasida hasil qilinishi lazimliqini teshebbus qilidighan bir qisim teywenlik pa'aliyetchiler, yekshenbe küni namayish bashlidi.
Muxbirimiz jume
2009-11-09
Share

Fransiye agéntliqida körsitilishiche, yekshenbe künidiki namayishqa 1000gha yéqin adem qatnashqan. Melum bolushiche mezkur namayishni teywen xelq igilik hoquqi herikiti teshkilati orunlashturghan bolup, namayish teywenning herqaysi sheherlirige piyade yürüsh qilish sheklide élip bérilidiken.

Ma yingju hakimiyet béshigha chiqqandin kéyin, xitaygha qarita dostane siyaset yürgüzgen we xitay bilen soda munasiwetlirini ilgiri süridighanliqini ilgiri sürgen idi.

Netijide xitay bilen teywen arisida "iqtisadi hemkarliq qurulmisi kélishimi" tonushturulghan bolup, mezkur kélishimge kéler yili imza qoyulidighanliqi ilgiri sürülmekte.

Xewerde neqil qilinishiche, xelq igilik hoquqi herikiti teshkilatining ezasi chén chénzi xanim, teywen -xitay munasiwetliridiki her qandaq siyasetning teywen xelqining rayini sinash asasida wujudqa chiqirilishi kéreklikini otturigha qoyghan.

Teywen xelq igilik hoquqi herikiti teshkilati, mezkur kélishim mezmunlirining jama'ettin xupiyane tutulghanliqini ilgiri sürgen. Shunga mezkur teshkilat kélishim hasil qilishtin ilgiri, kélishim mezmunlirini teywen xelqining maqulluqidin ötküzüsh lazimliqini tekitligen we hökümetning mezkur kélishim heqqide omumi xelq rayi sinash pa'aliyiti élip bérishi lazimliqini telep qilip 50 künlük piyade yürüsh herikiti bashlighan. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.