Teywen, 'xitay bashqurulidighan bombilirini derhal yighishturup ketmise' tinchliq söhbiti ötküzmeydighanliqini jakarlidi

Fransiye agéntliqining bayan qilishiche, teywen bash ministiri wu dünyi bügün xitaydin, teywen arilini xarab qilish üchün tiklep qoyghan, musapisi teywen boghuzidin halqip öteleydighan bashqurulidighan bombilirini derhal yighishturup kétishni, teywenning xelq'aradiki pa'aliyitini chekleshni emeldin qaldurushni telep qildi we 'undaq qilmisa, teywen hazir xitay bilen tinchliq söhbiti ötküzmeydu' dep jakarlidi.
Muxbirimiz weli
2009-11-21
Share

Xewerde éytilishiche, amérika dölet mejliside, iléna roz létinén qatarliq teywenni qollaydighan jumhuriyetchi ezalarmu, amérika prézidénti obamagha teywen'ge qoral sétishni testiqlash heqqide bésim ishletti.

Xitaygha dostluq ipadilewatqan teywen prézidénti ma yinju, gerche ötken yilidin bashlap xitay bilen tinchliq söhbiti ötküzüshke qoshulup we soda munasiwitini yaxshilap, yene bir tereptin, xitaydin teywen'ge tiklep qoyghan bashqurulidighan bombilirini yighishturup kétishni telep qilip kéliwatsimu, emma xitay buninggha pisent qilmay turiwatidu.

Xitay 1949‏ - yili alliqachan bölünüp chiqqan teywenni, hazirgha qeder özining zimini dep qarap, 1500 dek bashqurulidighan bombisini tiklep qoyup tehdit séliwatqili xéli yillar bolup qaldi. Gerche teywenmu 'shongféng ikki' belgilik 600 kilométir musapiliq bashqurulidighan bomba sinaq qiliwatqan bolsimu, emma uning sinaq netijisi téxi namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet