Тәйвәндә өзиниң тибәтлик икәнликини илгири сүргән 30 әтрапида киши ачлиқ елан қилди

Өзлириниң тибәтлик икәнликини илгири сүргән 30 әтрапида киши бүгүн тәйвәндә 50 саәтлик ачлиқ елан қилишқа башлиди. Уларниң мухбирларға билдүрүшичә, өзлириниң бундақ қилиштики мәқсити тәйвәндә қанунлуқ туруш һәққигә еришиш икән.
Мухбиримиз ирадә
2009-12-17
Елхәт
Пикир
Share
Принт

Әмма, тәйвән даирилири буларниң тибәтлик икәнликигә гуман билән қаримақта. Фирансийә агентлиқиниң хәвәр қилишичә, тәйвән даирилири бу кишиләрниң тибәтлик икәнликидин гуман қилидиғанлиқини, буларниң һиндистан яки непалдин қечип кәлгән кишиләр болуши мумкинликини ейтқан.

Тәйвәндики моңғулийә вә тибәт ишлири җәмийитиниң баянатчиси чен шинйин мухбирларға : "бу кишиләрниң бәзилири һәтта тибәт вә уларниң сүргүндики даһийси далай лама һәққидики әң аддий нәрсиләрниму билмәйдикән. Бизниң буларниң тибәтлик икәнликигә гуман билән қараймиз", дегән.

Тәйвәндә тибәт яки моңғуллар олтурақлишиш һәққигә еришкәнлигәнлики үчүн, тәйвән даирилири уларниң мушуни көздә тутуватқан қанунсиз көчмәнләр болуши мумкинликини илгири сүрди. Әмма ачлиқ елан қилғучилар буни рәт қилмақта.

Пикирләр (0)
Share
Толуқ бәт