Teywende özining tibetlik ikenlikini ilgiri sürgen 30 etrapida kishi achliq élan qildi

Özlirining tibetlik ikenlikini ilgiri sürgen 30 etrapida kishi bügün teywende 50 sa'etlik achliq élan qilishqa bashlidi. Ularning muxbirlargha bildürüshiche, özlirining bundaq qilishtiki meqsiti teywende qanunluq turush heqqige érishish iken.
Muxbirimiz irade
2009-12-17
Élxet
Pikir
Share
Print

Emma, teywen da'iriliri bularning tibetlik ikenlikige guman bilen qarimaqta. Firansiye agéntliqining xewer qilishiche, teywen da'iriliri bu kishilerning tibetlik ikenlikidin guman qilidighanliqini, bularning hindistan yaki népaldin qéchip kelgen kishiler bolushi mumkinlikini éytqan.

Teywendiki mongghuliye we tibet ishliri jem'iyitining bayanatchisi chén shinyin muxbirlargha : "bu kishilerning beziliri hetta tibet we ularning sürgündiki dahiysi dalay lama heqqidiki eng addiy nersilernimu bilmeydiken. Bizning bularning tibetlik ikenlikige guman bilen qaraymiz", dégen.

Teywende tibet yaki mongghullar olturaqlishish heqqige érishkenligenliki üchün, teywen da'iriliri ularning mushuni közde tutuwatqan qanunsiz köchmenler bolushi mumkinlikini ilgiri sürdi. Emma achliq élan qilghuchilar buni ret qilmaqta.

Toluq bet