Tyen'enmén aniliri ikki yighin wekilliridin 4-iyun weqesige qayta baha bérishni telep qildi

1989-Yili tyen'enmén meydanida yüz bergen 4-iyun weqeside ölgen oqughuchilarning ata-aniliri 1995-yildin bashlap, “Tyen'enmén aniliri” namida teshkillinip, xitay hökümitining 4-iyun weqesige qayta baha bérishini telep qilip kelmekte idi.
Muxbirimiz shöhret hoshur
2011.03.01

Tyen'enmén aniliri bügün, béyjingda échilidighan ikki yighin wekillirige ochuq xet yézip ularni, xelqning iradisini eks ettürüshke, heqsizliklerge qarap turmasliqqa we zulumgha shérik bolmasliqqa chaqirghan.

Ochuq xette, 4-iyun tyen'enmén weqesige qayta baha bérilishi, weqede ölgenlerning isimlikining élan qilinishi, weqede ölgenlerning a'ile-tawabatlirigha tölem bérilishi telep qilin'ghan.

4-Iyun weqesi xuddi yéqinqi misir we tunis we liwiyidiki namayishlargha oxshashla, chiriklikke qarshi turush, erkinlik we démokratiye telep qilish meqsitide otturigha chiqqan. Emma, netijisi tamamen perqliq bolghan yeni qanliq basturulghan. Basturushta ölgenlerning heqiqiy sani hazirghiche melum emes.

Eyni chaghda nyu-york waqti géziti weqede ölgenler sanini 400-800 arisida dep xewer qilsa, yer shari pochtisi géziti ölgüchilerning sanini 3000 etrapida élan qilghan. Liwiye dölet bashliqi kazafiymu ötken heptidiki téléwiziye nutqida özining basturush heriketlirini, xitaydiki 4-iyun weqesini misal élip turup aqlighan.

Tyen'enmén aniliri bügünki ochuq xétide, xitay hökümitining xelqning arzu we teleplirige, yaki arqigha sozush, yaki basturush sheklide jawab bériwatqanliqini, emma mezkur qanliq weqening héchqachan soraqsiz qalmaydighanliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.