Chingxeydiki tibetler özige ot qoyuwalghan rahipning jesitini kötürüp namayish qildi

Aldinqi küni chingxey ölkisining golog tibet aptonom oblastidiki bir rahip, özige ot qoyuwélip hayatidin ayrilghan. Tünügün yeni 8 - yaniwar küni, yüz nechchiligen tibetler, oblasttiki darlag saqchixanisigha bérip, özini öltürüwalghan rahipning jesitini telep qilghan. Saqchilar deslepte jesetni jama'etke tapshurushni ret qilghan. Bu chaghda tibetler saqchixanining ishik, dérizilirini urup chaqqan؛ netijide saqchilar, jesetni jama'etke qayturup bergen. Jidel arqiliq jesetni qolgha alghan tibetler, uningdin kéyin jesetni kötürüp kocha aylinip namayish qilghan.
Muxbirimiz shöhret hoshur
2012-01-09
Share

Radi'omiz tibet bölümining bügün bu heqte bergen xewiride, namayishchilarning qandaq mu'amilige uchrighanliqi bayan qilinmighan. Bu, yéqinqi aylardin béri tibetliklerning özige ot qoyuwélish sheklide dawam qiliwatqan, xitay hökümitige qarshi naraziliq herikitining 15 - qétimliqidur. Tibetler, bu arqiliq xitay hükümitige nisbeten qarshliqi we azadliqqa bolghan intilishini ipadilimekte. Emma tibet dahisi dalay lama yéqinqi bir sözide, özige ot qoyuwélishni bir xil baturluq dep medhiyiligen bolsimu, u yene bu xil shekildiki qarshliqning xitay hökümitige tesir qilishigha guman bilen qaraydighanliqini, shunga baturluqni aqilane usulda ishlitishning zörürlikini tekitligen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet