Тибәт вә уйғур аптоном район башлиқлири сөз қилди

Йәкшәнбә күни хитайниң бейҗиңда ечиливатқан йиғинлири җәрянида тибәт аптоном райониниң рәиси байма чилин тибәтликләрниң әһвали вә далай лама мәсилиси һәққидә тохтилип, далай ламани тәнқид қилған.
Мухбиримиз үмидвар
2010-03-07
Share

Тибәт аптоном райони хәлқ қурултийиниң мудириму охшашла бу тәнқидни давамлаштуруп, "диний мәсилә, диний даһий мәсилисини бөлгүнчилик вә сиясәт үчүн ишлитишкә тибәт хәлқиниң қошулмайдиғанлиқи"ни илгири сүргән.

Йәкшәнбә күни йәнә бейҗиңда уйғур аптоном райони рәиси нур бәкриму мухбирларға сөз қилип, 5 - июл вәқәси һәққидә тохтилип, бу мәсилидә илгири изчил ейтип кәлгән мәйданини давамлаштурған һәмдә 198 адәмниң ичидә 97 адәмниң сотланғанлиқини тәкитлигән.

Хитайниң хәлқ қурултийи бейҗиңда ечиливатқанда тибәттә еғир қатнаш вәқәси йүз бәргән болуп, әнглийә б б с агентлиқиниң хәвәр қилишичә, 35 адәм бар бир йүк машиниси тибәтниң җәнубидики бир тағлиқ районда таққа урулуп, һадисә келип чиққан. Нәтиҗидә 26 адәм өлүп, 9 адәм яриланған. Бу мунасивәт билән хитай дөләт мәтбуатлири учур тарқатқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.