Tibetlerning siyasiy rehbiri lobsang san'gay xitayni kishilik hoquqni éghir derijide depsende qilish bilen eyiblidi

Tibetlerning siyasiy rehbiri lobsang san'gay xitayni kishilik hoquqni éghir derijide depsende qilish bilen eyiblidi we xitayning tibetlerge qaratqan siyasiti tibetlerni esebiy wasitilerni qollinip erkinlik telep qélishqa mejburlighanliqini bildürgen.
Muxbirimiz jüme
2011-12-10
Élxet
Pikir
Share
Print

U bu sözlerni shenbe küni dalay lama nobél tinchliq mukapatigha érishkenlikining 22 yilliqi munasiwiti bilen otturigha qoydi.

Tibet bash ministiri lobsang san'gay: tibettiki kishilik hoquq weziyiti körünerlik derijide éghirlashti. Tibetler jénidin kéchip we ilgiri körülüp baqmighan usullarni tallashqa mejbur bolmaqta, dédi.

1989 - Yili 10 - dékabir yeni xelq'ara kishilik hoquq küni dalay lamagha nobél tinchliq mukapati bérilgen.

Bu munasiwet bilen daramsaladiki tsuglakhang ibadetxanisida xatirilesh murasimi ötküzüldi. Murasimda söz qilghan lobsang san'gay xitayni tibettiki kishilik hoquq weziyitini yaxshilashqa chaqirdi we: biz xitaygha shuni xitab qilimizki tibet xelqning eng négizlik kishilik hoquqlirini kapaletke ige qilinishi bu rayonda heqiqiy eminlikni ishqa ashurushning birdin bir yol, dédi.

Bu yil jem'iy 12 tibetlik rahib we rahibeler özini köydürüp xitayning tibetke qaratqan siyasitige étiraz bildürgen idi.
Toluq bet