18-Қурултайниң иккинчи күни чиңхәйдә тибәтликләрниң намайиши йүз бәрди

Бүгүн йәни җүмә күни хитайниң 18-қурултийи давам қиливатқан мәзгилидә, чиңхәйдә 5000 дин артуқ тибәтлик намайиш өткүзүп хитай һөкүмитидин әркинлик тәләп қилди.
Мухбиримиз шөһрәт һошур
2012-11-09
Елхәт
Пикир
Share
Принт

Бирләшмә агентлиқниң бейҗиңдин хәвәр қилишичә, намайишта тибәтниң мустәқиллиқи вә далай ламаниң ана тибәткә қайтип келиши арзу қилинған шоарлар товланған. Намайишчилар сәһәр саәт 4 әтрапида чиңхәйниң руңво наһийисидики руңво ибадәтханисиниң йенидики оттура алдида топланған вә наһийә базириға қарап шоар товлап йүрүш қилған.

Намайишни башлиғанлар асаслиқи оттура мәктәп оқуғучилири болуп, намайиш давамида әтраптики тибәтлик аһалиләрму намайишчилар сепигә қетилған. Намайишчилар йәнә ана тил вә миллий мәдәнийәтни қоғдаш һәққидиму шоарлар товлиған.

Мәлум болушичә, намайиш давамида хитай сақчилири намайишчиларни назарәт қилип маңған, 18-қурултай мәзгили болғачқа намайишчиларға чеқилишқа петиналмиған. Әмма намайиштин кейин намайишчиларға қарита тутқун қилиш һәрикәтлириниң болған-болмиғанлиқи һазирчә мәлум әмәс.

Пикирләр (0)
Share
Толуқ бәт