18-Qurultayning ikkinchi küni chingxeyde tibetliklerning namayishi yüz berdi

Bügün yeni jüme küni xitayning 18-qurultiyi dawam qiliwatqan mezgilide, chingxeyde 5000 din artuq tibetlik namayish ötküzüp xitay hökümitidin erkinlik telep qildi.
Muxbirimiz shöhret hoshur
2012-11-09
Élxet
Pikir
Share
Print

Birleshme agéntliqning béyjingdin xewer qilishiche, namayishta tibetning musteqilliqi we dalay lamaning ana tibetke qaytip kélishi arzu qilin'ghan sho'arlar towlan'ghan. Namayishchilar seher sa'et 4 etrapida chingxeyning rungwo nahiyisidiki rungwo ibadetxanisining yénidiki ottura aldida toplan'ghan we nahiye bazirigha qarap sho'ar towlap yürüsh qilghan.

Namayishni bashlighanlar asasliqi ottura mektep oqughuchiliri bolup, namayish dawamida etraptiki tibetlik ahalilermu namayishchilar sépige qétilghan. Namayishchilar yene ana til we milliy medeniyetni qoghdash heqqidimu sho'arlar towlighan.

Melum bolushiche, namayish dawamida xitay saqchiliri namayishchilarni nazaret qilip mangghan, 18-qurultay mezgili bolghachqa namayishchilargha chéqilishqa pétinalmighan. Emma namayishtin kéyin namayishchilargha qarita tutqun qilish heriketlirining bolghan-bolmighanliqi hazirche melum emes.

Toluq bet