Қара шәһәр соти мәдәний ядикарлиқларни йиғип сақлиғучи тибәтликни 15 йиллиқ қамақ җазасиға һөкүм қилди
Мухбиримиз әркин
2010.06.25
2010.06.25
Җавабкарниң адвокати пу җичяңниң билдүрүшичә, хитай қанунидики "кепән оғрилаш" җинайити 1998 - йилдин башлап бикар қилинған болсиму, лекин қара шәһәр сот мәһкимиси пәйшәнбә күни карма самдуп исимлик тибәтлик тиҗарәтчини қәдимий қәбриләрни қезиш вә "кепән оғрилаш" билән әйиблигән.
Пу җичяң чәтәл ахбарат вастилиригә бәргән мәзкур дело һәққидики учурида, карма самдупниң гунаһсиз икәнликини, даириләрниң униң "җинайәт" садир қилғанлиқиға даир һечқандақ пакит көрсәтмигәнликини билдүргән. Карма самдоп бу йил 1 - айниң башлири чеңдуда қолға елинғандин кейин, уйғур аптоном райониға өткүзүп берилгән иди.
Карма самдоп мәдәний ядикарлиқларни йиғип сақлиғучи болупла қалмай, у йәнә муһит қоғдаш паалийитигә актип қатнишип келиватқан шәхс болуп, униң тибәт игизликидики дәря еқинлирини қоғдаш паалийити һөкүмәт даирилириниң муәййәнләштүрүшигә еришкән иди. Адвокат пу җичяң униң "җазаға тартилишиниң арқисида сиясий сәвәбләр болуши мумкин" дегән.