Tibetlerning qurultiyi xitaygha bolghan naraziliqlarning küchiyishige türtke bolmaqta

Chet'ellerdiki tibet pa'aliyetchilirining düshenbe küni hindistanning daramsala shehiride échilghan tarixi qurultiyi dawamlashmaqta. Xewerlerge qarighanda, qurultayda dalay lamaning mötidil yol siyasitini dawamlashturushni qollaydighan wekiller bilen xitaygha qarshi qattiq pozitsiye tutushni ündeydighan wekiller otturisida jiddiy talash - tartishlar yüz bermekte.
Muxbirimiz eqide
2008-11-20
Share

Amérika birleshme agéntliqining daramsala shehiridin bildürüshiche, tibet pa'aliyetchilirining nöwettiki qurultiyida xitaygha qarshi élip bérilidighan küresh usuli heqqidiki talash - tartishlar nesiller ara bir toqunushqa aylanmaqta.

Dalay lama özi wekillerning pikir we tekliplirini erkin - azade ipadilishige shara'it yaritish we élinidighan qararlargha tesir körsetmeslik üchün qurultaygha qatnashmighan. Dalay lama 23‏ - noyabir yeni qurultaygha qatnashqan wekiller tibet milliy herikitining yönilishi we xitaygha qaritilidighan pozitsiye heqqide öz pikir we qarashlirini bayan qilip bolghandin kéyin yighin'gha qatniship öz pikirlirini otturigha qoyidiken.

Bu arida tibet qurultiyi dawamlishiwatqan bir mezgilde, xitay kompartiyisining tibet ishliri mes'uli bi xawning birlik sep 7‏ - ishxana mudirliq wezipisidin élip tashlan'ghanliqi bildürüldi. Uning néme üchün wezipisidin élip tashlan'ghanliqi melum emes, lékin bezi xewerlerde tibetke qaratqan yumshaq pozitsiyisi bi xawning wezipisidin élip tashlinishida muhim rol oynighanliqi bayan qilinmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet