Тибәт раһиблири өзлирини көйдүрүшни давамлаштурмақта

Бүгүн сичүәнниң гәнзи районида йәнә бир тибәт раһиби өзигә от қоювалди. Буниң билән бу йил 3-айдин башлап өзигә от қоюш арқилиқ хитай һөкүмитигә болған наразилиқини ипадилигән тибәт раһиблириниң сани 10 ға йәтти.
Мухбиримиз ирадә
2011-10-25
Share

Тибәт авази телевизийисиниң хәвәр қилишичә, бу йил 39 яшқа киргән раһиб дава сериң кирти ибадәтханисиниң раһиби болуп, у бүгүн йәрлик вақит әтигән саәт 9:30 лар әтрапида өзигә от қойған. Әһвални көргүчиләр униң от ичидә туруп “роһаний даһиймиз далай лама сүргүндин қайтип кәлсун, тибәтләр қайтидин җәм болсун” дәп шоар товлиғанлиқини билдүргән.

Вәқә йүз бәргәндин кейин, әтраптики сақчилар келип отни өчүрүвалған болсиму, у дохтурханиға берип давалинишни рәт қилип сақчилар билән тиркәшкән. Бәдини хели еғир дәриҗидә көйүп яриланған дава сериңниң әһвалиниң хәтәрлик икәнлики хәвәр қилинмақта.

Тибәт раһиблириниң бу паҗиәси хәлқара җамаәтниң диққитини қозғимақта. Алдинқи күни америка һөкүмити хитайни бу һәқтә агаһландуруп, америкиниң мәсилигә көңүл бөлидиғанлиқини билдүргән. Хитай һөкүмити америкиниң бу агаһландурушини хитайниң ички ишлириға арилашқанлиқ, дәп тәнқид қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт