Tibet rahiblirining özini köydürüp qarshiliq körsitish herikiti tunji qétim tibet ichide yüz bergen

Chet'ellerdiki tibet pa'aliyetchiliri shenbe küni tibet rahiblirining özini köydürüp qarshiliq körsitish herikitining tunji qétim tibet ichide yüz bergenlikini bildürdi.
Muxbirimiz jüme
2011-12-03
Share
Ilgiri 10 din artuq tibet rahibe we rehberliri özini köydürüp, xitaygha naraziliq bildürgen bolup, bu xildiki qarshiliq heriketliri asasliqi sichüen ölkisining aba nahiyiside yüz bergen.

Aba nahiyisidiki tibet rahibliri mezkur nahiye tewesidiki kriti ibadetxanisining teqib astigha élin'ghanliqi we xitayda tibetlerge qaritilghan basturush siyasitige naraziliq bildürüp, özini köydürüp qarshiliq körsetken idi.

Xelq'ara tibet herikitining shenbe küni bildürüshiche, bu xildiki özini köydürüsh herikiti tunji qétim tibet aptonom rayoni ichide yüz bergen bolup, özini köydüriwalghuchi 40 yashlar chamisidiki tibet rahibi iken.

Rahib özige ot qoyup uzun ötmey doxturxanigha élip bérilip qutulduruwélin'ghan.

Xelq'ara tibet herikitining bildürüshiche, bu tibet rahibining ismi tenzin funtsong iken.

Tibet rahiblirining özini köydürüwélish heriketliri toxtimay yüz bérishke bashlighandin kéyin, xelq'ara jem'iyet xitaygha bésim ishlitip, tibet siyasitini özgertishke chaqirghan idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet