Tibet re'isi Qiangba Puncog 'bizge muqimliq kérek' dédi

Béyjingdiki xelq qurultiyi yighinigha qatnishiwatqan, tibet re'isi Qiangba Puncog, bügün chet'el muxbirlirining so'aligha jawab bérip, tibet xelqining muqimliqni arzu qilidighanliqini, shunga bu ay ichide tibette weqe chiqish éhtimali yoqluqini bildürgen.
Muxbirimiz shöhret hoshur
2009-03-05
Share

10 ‏- Mart dalay lamaning hijret xatire küni, 14 ‏ - mart bolsa, ötken yilqi lasa weqesining bir yil toshqan küni, 28 mart bolsa, tibetning xitay kommunist hakimiyitige ötkenlikining 50yilliq xatire küni.

Shunga weziyet közetküchiler, tibette mushu ay ichide weqe chiqip qilishini texmin qilishmaqta. Re'is Qiangba Puncog sözide "bir türküm kishiler tibette weqe chiqidu, dep pitne - pasat tériwatidu, bu arqiliq bölgünchilerni qutritiwatdu. Emma köp sandiki xelq tereqqiyatni we turmushuning yaxshilishini arzu qilidu," dégen.

Tibet re'isi Qiangba Puncog, Uyghur rayonining re'isi nur bekrige oxshash, xelq saylimi arqiliq emes, merkezning teyinlishi bilen hakimyet béshigha kelgen. Bu sewebtin her ikkisining weziyet heqqidiki bayanlirida muqimliq asasi téma bolup kelmekte.

Qiangba Puncog Nur bekridin perqliq teripi u weziyet heqqide sözligende, bir qisim kishilerning jem'iyettin narazi ikenlikinik hökümetningmu xizmetliride téxi toluqlap kételmigen terepliri barliqini tilgha alghan.

Emma nur bekri qatarliq Uyghur rayonining rehberliri hazirgha qeder özlirining xizmitidiki birer yétersizlikini tilgha élip baqmidi. Eksiche, yétersizliklirini körsitip bergen musteqil tetqiqatchi ilham toxtining torbéti taqiwétildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet