Tibet sürgündiki hökümiti xelq'ara jem'iyetni kirty ibadetxanisi weqesige arilishishqa chaqirdi

Tibet sürgündiki hökümiti 23- aprél küni bayanat élan qilip, xelq'ara jem'iyetni sichüen ölkisining aba tibet aptonom oblasti tewesidiki kirty ibadetxanisidiki tibet rahibliri bilen saqchilar arisida yüz bergen toqunush mesilisige arilishishqa chaqirghan.
Muxbirimiz ümidwar
2011.04.24

B b s agéntliqining xewer qilishiche, tibet sürgündiki hökümiti xelq'ara jem'iyettin xitayni mezkur jayda qoral ishlitish arqiliq krizisni hel qilish usulini qollanmasliqqa dewet qilishqa chaqirghan.

Shtabi darimsalgha jaylashqan tibet sürgündiki hökümitining bayannamiside yene amérika hökümitidin kéler hepte xitay bilen ötküzidighan kishilik hoquq söhbiti jeryanida bu mesilini otturigha qoyushni telep qilghan.

Nyu-york waqti gézitining yézishiche, peyshenbe küni qoralliq saqchilar mezkur ibadetxanigha basturup kirip, 300 din artuq qarshiliq körsetken rahipni tutush jeryanida ikki tibet rahibi öltürülgen. Xelq'ara tibet herikiti teshkilatining bildürüshiche saqchilar teripidin urup öltürülgen bu ikki ademning yéshi 60 we 65 yashlarda iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.