Tibet teshkilatliri xitayni 'tibet mesiliside tarixi mes'uliyiti bar' dep eyiblidi

Ötken hepte élip bérilghan xitay hökümiti bilen dalay lama wekilliri otturisidiki söhbet netijisiz ayaghlashqandin kéyin, xitay da'iriliri dalay lamani "tibetke musteqilliq telep qilish idiyisidin waz kechmidi, bölgünchilik xahishi éghir" dep eyiblidi.
Muxbirimiz mihriban
2010-02-11
Share

Dalay lama wekillikidiki tibet teshkilatliri söhbetni xulasilep: "söhbet xitay da'irilirining dunya jama'etchilikini aldash üchün élip barghan bir neyringi boldi, emeliyette bu qétimliq söhbette tibet mesilisige da'ir héchqandaq bir emeliy mesile hel qilinmidi," dédi.

Dalay lamaning diniy ishlar fondining mes'uli dawar seyrén amérika awazi muxbirining ziyaritini qobul qilghinida: "hazir xitay hökümiti tashqi jehette xelq'aragha dalay lama wekilliri bilen söhbet ötküzüwatimiz dep xelq'arani aldisa, ichki jehettin tibette basturush siyasiti qollinip tibet xelqining erkinlikini boghmaqta. Xitay hökümiti tibette yüz bergen bir qatar ishlarning tarixi mes'uliyitini öz ichige élishi kérek," dédi.

Közetküchilerning qarishiche, hazir tibet mesilisi hem Uyghur mesilisi xitayning béshini qaturiwatqan mesililer bolup, bu ikki rayon dunya jama'etchiliki teripidin "xitaydiki menggü tinjimas rayonlar" dep teriplenmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet