Xitay herbiliktin chékin'gen bir tébetlikni tibet aptonom rayonining re'islik ornigha qoydi

Xitay da'iriliri xelq azadliq armiyisige qatniship herbiliktin chékin'gen birsini tibet aptonom rayonining re'islik ornigha qoydi. Analizchilar bu xitayning tibet siyasitining radikallishidighanliqidin direk béridighanliqini bildürmekte.
Muxbirimiz erkin
2010-01-15
Share

Xitay azadliq armiyisining herbiliktin chékin'gen sabiq ofitsiri padma choling jüme küni qesem bérip, tibet aptonom rayonining re'islik wezipisini tapshuruwalghan.

Padma cholingdin burun tibetning re'islik wezipisini atqurghan chyangba ponsog bolsa tibet aptonom rayoni xelq qurultiyining mudirilik wezipisige qoyuldi. Tibet xelq qurultiyining burunqi mudiri légchog bolsa wezipisidin istipa bérishke mejbur bolghan idi.

Bu 2008 ‏- yili 3 - ayda lxasa weqesi partilighandin buyan tibet aptonom rayonining rehberlik qatlimida yüz bergen eng chong özgirish bolup, bu özgirish xitay da'irilirini tibettiki siyasiy kontrolluqni boshutush, dalay lama bilen heqiqiy menide söhbet élip bérishqa chaqiriwatqan bezi chet'el hökümetlirini we xelq'ara kishilik hoquq teshkilatlirini ömidsizlendürgen.

Xelq'ara tibet herikiti teshkilatining alaqe ishlar mudiri kéyt sandérs xanim, tibettiki "bu yéngi wezipe teqsimati béyjingning tibet rayonida mahiyetlik tekshürüsh élip barghandin kéyin qarar qilin'ghanliqini ispatlaydighan hichqandaq pakit yoqluqi"ni bildürgen.

Yene bezi közetküchiler, padma choling yéqinqi 30 yildin buyan tibet aptonom rayonining re'islik wezipisige qoyulghan tunji herbiy ikenlikini, uning "14‏ - mart lxasa weqesi"din kéyin xitay metbu'atlirida dala lamani tenqidleydighan bayanatlirining élan qilin'ghanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet