Tibet rohaniy dahiysi dalay lama tibetlerni öz bayrimini daghdughiliq ötküzmeslikke dewet qildi

Amérika awazining xewer qilishiche, tibetlerning rohaniy dahiysi dalay lama hindistandiki tibet sürgündiki hökümitining merkizi jaylashqan daramsalada tibet kaléndari boyiche yéngi yil bayrimi munasiwiti bilen tibetning her xil zulumlarni chékiwatqan ehwali astida tibetliklerni heshemet we naxsha - usul bilen yéngi yilni tebriklimeslikke ündidi.
Muxbirimiz ümüdwar
2010-02-14
Share

Tibet kaléndari boyiche yéngi yil xitay millitining kaléndari boyiche yéngi yili, yeni chaghan bayrimi bilen asasen oxshash bolup, 2 - ayning 14 - küni tibetler we xitaylar üchünmu oxshashla bayram künidur. Dalay lama özining bu sözlirini pütün xitay boyiche xitay yéngi yili, yeni chaghan bayrimi daghdughiliq tebrikliniwatqan künde éytti. Biraq, tibet sürgündiki hökümitining bir parlamént ezasi dalay lamaning bu sözlirige izahat bérip, "emeliyette bu dalay lamaning kishilerni bayram ötküzmenglar dégini emes, bu peqet tibetning hazirqi ehwaligha asasen köprek ibadet we xeyri saxawetlik ish qilish usuli bilen bayram ötküzünglar dégini" dep chüshendürgen shuningdek yene 2008 - yilidiki tibet namayishida nurghun ademlerning hayatidin ayrilghanliqi, ulargha matem tutush lazimliqini eskertken.

Buningdin ilgiri dalay lamaning wekilliri bilen xitay terep arisida ötküzülgen söhbet netije bermigen bolup, arqidin amérika aq sariyi 18 - féwral küni prézidént obamaning dalay lamani qobul qilidighanliqini élan qilghan hemde xitayning obamaning dalay lama bilen körüshmeslik heqqidiki telipi ret qilin'ghan idi.

13 - Féwral küni bolsa, amérika démokratiyini ilgiri sürüsh fondi yéqinda dalay lamaning démokratiyini ilgiri sürüshke qoshqan töhpisi üchün uni teqdirleydighanliqini jakarlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet