Tibet kino réjissori 6 yilliq qamaq jazasigha mehkum qilindi

Bu yil 35 yashqa kirgen dixundup 2008 - yili 3 - ayda qolgha élin'ghan bolup, u özi ishligen "wehimidin yiraqlishish" isimlik höjjetlik filimide tibettiki xelqning sürgündiki rohaniy dahiysi dalay lamagha bolghan sadaqiti we béyjing olimpikige bolghan köz qarishini ipadiligen.

Réjissor dixondup wangchén filimide: "xitaylar, biz tibette nurghun tereqqiyatlarni berpa qilduq, deydu, emma biz uning birinimu körmiduq. Bu yerdiki heqiqet shuki, tibetler özining tartiwatqan derdini sözlesh erkinlikige ige emes," dégen.

Gerche dixondup wangchén qolgha élin'ghili bir yildek bop qalghan bolsimu, lékin xitay da'iriliri uning sotlinish ehwalini yoshurun utup kelgen iken. Charshenbe küni xitay da'iriliri uning tughqanlirigha dixondupning 6 yilliq késilgenlikini éytqan emma ularning qoligha héchqandaq resmiy uqturush bermigen.

Duxundup wangchén qolgha élin'ghan mezgil tibette 2008 - yili 3 - aydiki qarshiliq heriketliri meydan'gha kélishtin azraqla burun'gha toghra kelgen. Chet'ellerde yashawatqan tibet guruppiliri bolsa "xitay hökümiti olimpik mezgilide jim turuwélip, olimpik ötüp ketkendin kéyin jaza höküm qildi", dep eyibligen.

Melum bolushiche, duxundupning bu filimi uning shiwitsariyidiki newre tughqini teripidin tehrirlen'gen bolup, filim tibette tartilip bolghandin kéyinla chet'elge ewetilgen iken.