Tibetni qollash namayishi ötküzüldi

3 - Ayning 14 - küni teywenning teybéy shehiride bir qisim tibetni himaye qilghuchilar we tibetlikler namayish ötküzüp, 1959 - yilidiki tibet qozghilingining 51 yilliqi we 2008 - yili, 14 - marttiki lasa weqesining ikki yilliqini xatirilidi.
Muxbirimiz ümidwar
2010-03-14
Share

En'giliye b b s agéntliqining xewer qilishiche, namayishchilar namayish qilip méngip, teybéy shehirining asasliq soda merkiziy binasi yénigha yétip, kélip bir qatar pa'aliyetlerni élip barghan. Namayishqa qatnashqanlar ichide teywendiki ammiwi jem'iyetlerning ezaliri bar bolup, ularning köpchiliki teywenning ötmüshi bilen tibetning ötmüshi baghlap chüshinidiken.

Bu namayishqa yene bir qisim yashlarmu ishtirak qilghan bolup, ularning bir qisimi amérikidiki oqughuchilarning tibetni qollash teshkilatining ezaliridur.

Xewerlerdin melum bolushiche, tibetliklerning bu xildiki namayishliri bashqa jaylardimu yüz bergen bolup, népalning katmandu shehiride bir qisim tibetlikler xitay konsulxanisining aldida namayish ötküzgende 10 din artuq adem népal saqchiliri teripidin tutqun qilin'ghan.
 
Birleshme agéntliqining xewer qilishiche, yekshenbe küni 20 nechche adem xongkongdiki xitay merkiziy hökümitining ish béjirish binasining aldigha toplinip, tibetni qollash naraziliq namayishi ötküzgen.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet