Dunya Uyghur qurultiyining tor békiti hujumgha uchridi

Dunya Uyghur qurultiyi “5‏-Iyul weqesi” ning ikki yilliqini xatirileshke teyyarliq qiliwatqan bir peytte, mezkur teshkilatning tor békiti tor buzarlarning hujumigha uchrap taqilip qaldi.
Muxbirimiz erkin
2011-07-01
Share

Dunya Uyghur qurultiyi bu munasiwet bilen élan qilghan bayanatida tor békitining tor buzarlarning hujumi seweblik 28‏-iyundin bashlap taqilip qalghanliqini, hujumning xitaydin kelgenlikini bildürgen. D u q tor békitining del “5‏-Iyul weqesi” ning ikki yilliqi harpisida hujumgha uchrishi közetküchilerning diqqitini qozghighan.

D u q ning bildürüshiche, tor békitini eslige keltürüshke bir qanche kün kétidiken. Lékin d u q tor békitining tunji qétim tor buzarlarning hujumigha uchrishi emes. Mezkur tor békiti 2009‏-yili 12‏-ayda bir qétim tor buzarlarning hujumigha uchrap, tamamen palech halgha chüshürüp qoyulghan. 2010‏-Yili “5‏-Iyul weqesi” ning bir yilliqida d u q ning téléfon liniyisi kashiligha uchrighan idi.

Dunya Uyghur qurultiyi özining tor békitige qaritilghan hujumni tenqid qilip, xitay hökümiti bu herikiti arqiliq hökümetning “5‏-Iyul weqesi” ge bergen chüshendürüshini inkar qilidighan her qandaq uchurni tosmaqchi, d u q ning kishilik hoquq xizmitige kashila peyda qilmaqchi bolghanliqini bildürgen.

Lékin mezkur tor hujumining xitay hökümiti teripidin pilanliq élip bérilghanliqi we yaki xitay tor buzarlirining öz aldigha élip barghan herikiti ikenliki melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet