Xitay herbiy qisimliri Uyghur élining bir qisim jaylirida "tötni tonush" terbiyisi élip barghan

Xitay herbiy qisimliri Uyghur élining bir qisim jaylirida " tötni tonush" idiyisi terbiyisi élip barghan we buning emeliylishish ehwalini tekshürgen. Shinxu'a agéntliqining xewer qilishiche, bu xildiki heriketler ghulja we ürümchi sherhliride 23, 24 - iyul élip bérilghan. Heriketni Uyghur élide turushluq qoralliq saqchi 8660 - qismi élip barghan. Terbiye, a'ililerge kirip söhbetlishish, " tötni tonush" mezmun qilin'ghan kaléndarlarni tarqitish we namratlargha hal sorash buyumliri bérish sheklide élip bérilghan.

Muxbirimiz jüme
2010-07-24

"Tötni tonush" idiyisi telim - terbiyisi Uyghur élide yéqindin bashlap bir qeder kücheytilgen bolup, bular "wetenni tonush, jungxu'a millitini tonush, jungxu'a medeniyitini tonush we junggoche alahidilikke ige sotsiyalizmni tonush" ni oz ichige alidu.

Közetchiler mezkur terbiyining Uyghur élide kücheytilishi Uyghurlarni xitay kimlikini qobul qilishqa mejburlashni meqset qilidighanliqini ilgiri sürüshken idi.