Dunya türk medeniyet qurultiyi izmirda bashlandi

Türkiyidiki muxbirimizning xewer bérishiche, türkiye prézidénti abdullah gülning iqtisadiy jehettin qollishi we ége uniwérsitéti türk dunyasi tetqiqat institutining sahibxanliqida 2 - qétimliq xelq'araliq dunya türk medeniyet qurultiyi izmir shehiride bashlandi.
Muxbirimiz ümüdwar
2010-04-18
Share

19 - Aprildin 25 - aprilghiche dawamlishidighan mezkur qurultaygha türkiye, ottura asiya jumhuriyetliri, yawropa ittipaqi qatarliq 25 dölettin kelgen 400 etrapida alim qatnashqan bolup, bularning ichide béyjing, türkiye we ottura asiyadin kelgen bir qisim Uyghur mutexessislirimu bar. Ular özlirining Uyghur medeniyiti, folklori we edebiyatigha a'it ilmiy maqalilirini oquydu.

Mezkur qurultay tipik ilmiy - tetqiqat tüsini alghan bolup, bu, asasliqi türkiy xelqlerning medeniyiti, tarixi, edebiyati, étnografiyisi we bashqa köpligen mesililirini tetqiq qilidighan alimlarning ilmiy uchur we köz qarash almashturidighan, ilmiy muhakime sorunidin ibaret.

Yighinning sahibxani hésablinidighan türkiyining izmir shehiridiki ége uniwérsitétining türk dunyasi tetqiqat instituti türkiye boyiche türkiy xelqlerning til - edebiyati, tarixi, medeniyiti, étnografiyisi we bashqa saheliri boyiche tetqiq qilishta aldinqi orunda turidighan tetqiqat we oqutush orni hésablinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet