'Түркистан ислам партийиси' өлтүрүлгән уйғурлар үчүн интиқам алидиғанлиқини билдүрди

Бирләшмә агентлиқида нәқил елип көрситишичә, "түркистан ислам партийиси" ниң командири сәйпулла, хитай һөкүмитини уйғурла устидин ирқий қирғинчилиқ елип бериш билән әйиблигән вә мундақ хитаб қилған:" хитай коммунистлирини нәдә көрсәңлар шу йәрдә өлтүуруңлар, гөрүгә елиңлар, һуҗум қилиңлар."

Америка кабел хәвәрләр торида көрситилишичә баянатта йәнә мундақ дейилгән: "уларға шуни билдүримизки, бизниң өз интиқамини елишқа тәйяр йигитлиримиз бар һәм улар буни узунға қалмай ишқа ашуриду. Җанабий алланиң тулпари силәргә йәткүчә, алла халиса шу дәқиқиләр учун тәйярлиқ көрүп қоюңлар. Чүнки биз һәр заман тәйярмиз."

Хәвәрдә көрситилишичә, "түркистан ислам партийиси" ниң бу һәқтики баянати 5 - июл үрүмчи намайиши қанлиқ бастурулуп 3 күндин кийин, йәни 8 - июл елан қилған.

Үрүмчи намайишиниң қанлиқ бастурулғанлиқи хәлқара җамаәткә ашкариланғандин кийин кийин, 18 - июл уйғүр ели рәиси нур бәкри намайиш җәряндила 12 нәпәр уйғур намайишчиниң етип өлтүрүлгәнликини елан қилди.

Һалбуки, намайишчиларға қаритилған зораванлиқни нәқ мәйдандин көргүчиләрниң билдүрүшичә, пәқәт бир йәрдила етилған уйғур намайишчиларниң сани 150 дин 200 нәпәргә йетиши мумкин икән.

Һөрмәтлик радио аңлиғучилар, " түркистан ислам партийиси" бу һәқтә елан қилған баянатниң әсли нусхисини тепиш һазирчә мумкин болмиғачқа, баянатниң мәзмуни инглизчә мәнбәләргә тайинип тәрҗимә қилинди. Шу сәвәбидин тәрҗимә җәрянда бәзи нуқсанлар көрүлгән болуши тәбиий. Әпу қилишиңларни сораймиз.