6 - Qétimliq türk tili qurultiyi axirlashti we Uyghurlargha ehmiyet bérildi

Türkiye jumhuriyitige tewe ata türk til, tarix we medeniyet jemiyiti igidarchiliq qilghan 6 - nöwetlik xelq'araliq türk tili qurultiyi 10 - ayning 25 - küni türkiyining paytexti enqere shehride yépildi.
Muxbirimiz ümidwar
2008-10-26
Share

6 Kün dawamlashqan mezkur xelq'araliq qurultay töt yilda bir qétim échilish belgilen'gen bolup, bu qétimqi qurultay 11 - esirde ötken büyük Uyghur alimi mehmut qeshqerining tughulghanliqining 1000 yilliqigha béghishlan'ghan shuningdek b d t pen - ma'arip ornining 2008 - yilini mehmut qeshqeri yili qilip békitishidin ilham élin'ghan.

6 - Qétimliq türk tili qurultiyigha 34 dölettin kelgen 478 mutexessis qatnashqan bolup, ular özlirining türkiy tillar we medeniyiti jümlidin mehmut qeshqerining "türkiy tillar diwani" namliq esirige munasiwetlik her xil mezmundiki maqalilirini oqup ötken.

2008 - Yilining mehmut qeshqeri yili qilip békitilishi munasiwiti bilen hazirghiche türkiyidiki haji teppe uniwérsitéti, riza uniwérsitéti we bashqa munasiwetlik tetqiqat orunliri hem jem'iyetliri türlük xatirilesh pa'aliyetliri ötküzgen idi.

Bu qétimqi yighinda Uyghurlarghimu ehmiyet bérilgen bolup, béyjing, ürümchi, yaponiye, türkiyidin kelgen yette neper Uyghur mutexessisi özlirining Uyghur tili, mehmut qeshqeri we türkiy tillar diwani heqqidiki maqalilirini oqup ötken.

Xewerlerdin qarighanda, 11 - ayda türkiyining mezkur orgini bilen béyjingdiki milletler uniwérsitéti. Uyghur til - edebiyat fakultéti birlikte mehmut qeshqirige béghishlan'ghan muhakime yighini ötküzmekchi iken.

Amérika Uyghurliri jem'iyitimu xewer tarqitip, 2008 - yili 11 - ayning 12 - künini, yeni 1933 - 1944 - yilidiki ikki sherqiy türkistan jumhuriyet xatire künini, mehmut qeshqeri yiligha béghishlaydighanliqini bildürgen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet