Xéllari klinton bügün türkiyini ziyaret qildi

Amérika tashqi ishlar ministiri xéllari klinton xanim bügün ottura sherq we yawropa ziyaritining axirqi békiti bolghan türkiyige keldi.
Muxbirimiz weli
2009.03.07

Birleshme agéntliqining bayan qilishiche, xéllari xanim bu qétim enqerede, türkiye bash ministiri rejep tayp erdoghan we türkiye tashqi ishlar ministiri eli babajanlar bilen iraq mesilisi, afghanistan mesilisi, iran mesilisi qatarliq jehetlerde, bu qétim ottura sherq we yawropa ziyaritide duch kelgen qéyin mesililer üstide pikir almashturudu.

Xewerde éytilishiche, xéllari xanim bügün türkiyide aldi bilen prézidént barak obama pat - arida türkiyini ziyaret qilidu, dep jakarlighan.

Amérika awazining bayan qilishiche, xéllari xanim bu qétim türkiyidin afghanistan'gha esker köpeytishni telep qilishi mumkin. Chünki afghanistanda türkiye qisimlirining inawiti yuqiri, nato qisimliri köpünche halda türkiyiche herbi forma bilen yürse asanliqche hujumgha uchrimaydu. Emma türkiye xéllari klintonning teklipni qobul qilishi natayin.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.