Türkiye amérika dölet mejlisining 'ermeniler irqiy qirghinchiliq' qarar lahiyisige shiddetlik inkas qayturdi

Amérika dölet mejlisining tashqi ishlar komitéti peyshenbe küni nahayiti az üstünlük bilen "ermeniler irqiy qirghinchiliq" qarar lahiyisi maqullap, 1‏ - dunya urushi mezgilide osmanli tewelikidiki ermenilerning basturulush weqesini "irqiy qirghinchiliq" dep tonuydighanliqini élan qildi.
Muxbirimiz erkin
2010-03-05
Élxet
Pikir
Share
Print

Lékin mezkur qarar lahiyisi türkiye jumhuriyitining shiddetlik qarshiliqigha uchrap, washin'gtondiki bash elchisini enqerege chaqirtiwaldi. Türkiye metbu'atlirining xewer qilishiche, türkiye hökümiti resmi diplomatik qanallar arqiliq obama hökümitige mezkur qarar lahiyisi amérika dölet mejlisining omumi yighinida maqullansa, türkiyining shiddetlik inkas qayturudighanliqini, amérikining adanadiki herbiy bazisini taqap, afghanistandiki türkiye qoshunlirini chékindürüdighanliqini bildürgen.

Obama hökümiti mezkur qarar lahiyisining maqullunushigha qarshi turghan bolsimu, lékin amérika dölet mejlisining tashqi ishlar komitéti mezkur qarar lahiyesini 22 awazning qarshi turushi, 23 awazning qollishi bilen maqullap, osmanli dewride ermenilerge qaritilghan qirghinchiliqni "irqiy qirghinchiliqtur", dep tonudi.

Prézidént obama bilen dölet ishlar ministiri hilariy klinton saylam mezgilide 1915 ‏- yildiki ermeniler weqesini "irqiy qirghinchiliq" dep tonuydighanliqini bildürgen. Lékin hélariy klinton peyshenbe küni muxbirlargha obama hökümitining qarar lahiyesige qarshi turidighanliqini eskertip, bu erminiye - türkiye arisidiki yéqinlishishqa  zererlik, dégen.

Toluq bet