Klinton xanim türkiye rehberliri bilen körüshti

Amérika dölet ishlar ministiri hilariy klinton xanim shenbe küni türkiye rehberliri bilen körüshti we süriyide barghanche éghirlishiwatqan insaniy krizislar heqqide söhbetleshti.
Muxbirimiz jüme
2012-08-11
Share


Klinton xanim yekshenbe küni istanbulda süriyilik öktichilerning wekilliri bilen körüshidiken.

Nöwette süriyining aléppo shehiride hel qilghuch jeng boluwatqan bolup, süriye hökümet armiyisi éghir tiptiki qirghuchi qorallarni ishqa sélip mezkur sheherni bombardiman qilishqa bashlighinigha bir nechche kün boldi.

Bügünki xewerlerge qarighanda, shenbe küni aléppo we derre rayonlirida 30 adem ölgen.

Nöwette klinton xanimning türkiye da'iriliri bilen yene qaysi témilarda sözleshkenliki melum emes bolsimu, bezi közetküchiler ularning aléppodiki urush we nöwettiki musapir mesilisi heqqidimu sözleshken bolushi mumkinliki ilgiri sürüshmekte.

Amérika prézidénti obama ötken hepte bir buyruqnamige imza qoyup, amérika merkiziy axbarat idarisi alahide heriket xadimlirining süriye erkinlik jengchilirige taktika we herbiy axbarat jehette yardem bérishini testiqlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet