Түркийә дөләт министири чағлаян үрүмчи айродромида тәкшүрүш өткилидин өтүшкә мәҗбурланди

Үрүмчидә зиярәттә болған түркийә дөләт министири зәфәр чағлаян, үрүмчи айродромида хитай бихәтәрлик хадимлириниң паракәндичиликигә учриди.
Мухбиримиз җүмә
2009.09.02

Хитайда һөкүмәт зияритидә болған министири чағлаян әпәнди зияритиниң ахирқи күни уйғур ели пайтәхти үрүмчидә зиярәттә болған иди.

Түркийә заман хәвәрләр тори, миллийәт вә һөрийәт гезитлиридә берилгән хәвәрләргә қариғанда, үрүмчидики хитай айродром бихәтәрлик хадимлири чағлаян әпәнди вә һәмраһлирини тәкшүрүш өткилидин өтүшкә мәҗбурлиған. Министир зәфәр чағлаян вә түркийиниң хитайдики баш әлчиси мурат әсәнлиләр тәкшүрүшни рәт қилип өчирәттин чиқип кәткән.

Бир аздин кийин, чағлаян әпәндини биләт тәкшүрүш орниға қайта кәлгәндә, хитай сақчилири уни йәнә тәкшүрмәкчи болған. Нәтиҗидә, хитай дипломатийә хадимлири билән сақчилири җедәлләшкән.

Мәлум болушичә, дипломатийә қаидилири бойичә, чәтәл дипломатийә әмәлдарлирини айродромларда бундақ тәкшүрүшкә болмайдикән.

Хитай сақчилириниң қилмишидин интайин биарам болған министир зәфәр чағлаян әпәнди, хитай даирилириниң өзидин кәчүрүм сориғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.