Türkiyining wan wilayitidiki qirghizlar qirghizistandin özlirini élip kétishni telep qildi

Qirghizistanning anatoliye rayonidiki wan wilayitige jaylashqan qirghizlar yéqinda qirghizistan prézidénti almasbék atambayéftin özlirini qirghizistan'gha orunlashturushni telep qilghan.
Muxbirimiz ümidwar
2012-01-15
Élxet
Pikir
Share
Print

Qirghizistanning akipres agéntliqining xewer qilishiche, 13 - yanwar küni wan qirghizlirining wekili qasimbek shakir oghli enqerege ziyaretke kelgen qirghizistan prézidénti almasbék atambayéf bilen körüshkende bu telepni otturigha qoyghan.

U sözide wan wilayitidiki qirghizlarning turmushining nahayiti yaxshi ikenliki, biraq ularning qirghizistan'gha köchüp kétishidiki meqsetning ularning ewladlirining kélechikidin ensiresh ikenlikini bildürgen, yeni démekchi bolghini ularning öz ana tili we medeniyitini untup, assimilyatsiye bolup kétishtin ensirigen.

Wan wilayitidiki qirghizlar 1992 - yili, afghanistan'gha tewe pamir taghliq rayonidin kélip yerleshken bolup, raxmanqul xan bu qirghizlarning rehbiri idi. Türkiye hökümiti ularni élip kélip wan wilayitige orunlashturghan. Wan wilayitide hazir 450 qirghiz a'ilisi yashimaqta, istanbulda 150 a'ile yashaydu, mezkur pamir qirghizliri ötken esirning 55 - 60 - yillirida afghanistan qatarliq jaylargha köchüp chiqqan Uyghur musapirlirighan köp yardemlerni bergen we Uyghurlar bilen yaxshi munasiwet ornatqan idi. Ötken yili yüzbergen wandiki qattiq yer tewreshte qirghizistan hökümiti hem türkiyidiki Uyghur jama'iti wan qirghizlargha insanperwerlik yardemlirini ewetken idi.

Toluq bet