Түркийниң нато пилани сүрийиниң назлиқини қозғиған

Түркийә өзиниң сүрийә билән тутишидиған чеграсини қоғдашта натониң ярдимини тәләп қилған болуп, бу сүрийә тәрәпниң назлиқини қозғиған.
Мухбиримиз җүмә
2012-04-28
Share

Сүрийә ташқи ишлар баянатчиси җиһад мәкдиси: түркийә баш министири рәҗәп таййип әрдоғанниң нато қисимлирини чегра қоғдашқа әкелиш тәһдити адәмни толиму биарам қилиду. Бу кофи аннанниң тинчлиқ пиланиға болған садиқлиқниң кәмликини көрситиду, деди.

Бу йил 9 - апрел түркийиниң кили мусапирлар лагерида 4 сүрийилик мусапир, икки түрк пуқрасини өз ичигә алған бир сақчи вә бир тәрҗиман сүрийә чеграси тәрәптин етилған оқта яриланған. Түркийә баш министир әрдоған бу һәқтики соалларғу җаваб берип: бизниң буни һәл қилидиған чарилиримиз көп дегән, иди.

У йәнә : буниңдики биринчи таллаш нато келишимидики 5 - маддини ишқа селиш, дәп көрсәткән. Букелишим бойичә әгәр натоға әза һәр қандақ бир дөләт һуҗумға учриса, бу һуҗум алди билән натоға қилинған һуҗум дәп қарилип, һуҗумға учриған дөләтни барлиқ нато әзалири бирликтә қоғдаш мәҗбурийитигә игә.

Давутоғлу пәйшәнбә күни: түркийиниң өз дөләт бихәтәрлики қоғдаш үчүн барлиқ чариләрни қоллинишқа һәқлиқ икәнликини илгири сүргән.

Түркийә әсли сүрийиниң әң йеқин иттипақдашлиридин бири болуп, әсәд һөкүмити намайишчи хәлқни һәрбий күч билән бастурушни башлиғандин кейин мунасивәтни үзгән вә сүрийидин келидиған мусапирларға қойнини ачқан иди. Нөвәттә түркийидә 23 миң сүрийилик мусапир панаһланмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт