Түркийә, сүрийә чеграсидики әскирий күчини йәнә күчәйтти

Сүрийидә тоқунуш кәскинләшкән мәзгилдә, түркийә дүшәнбә күни сүрийә чеграсиға әскәр, броневик вә башқурулидиған бомба қоюп бериш машинилирини йөткәп, уруш оти ичидики сүрийигә қарши мудапиә тәдбирлирини күчәйтти.
Мухбиримиз җүмә
2012-08-01
Share

Өткәнки бир нәччә һәптилик кәскин тоқунушларда сүрийиниң бир қисим җайлири қозғилаңчилар қолиға өтүп кәтти, буларниң бир қисми курт қораллиқ күчлириниң қолиға өткән болса, сүрийиниң түркийә билән чегрилинидиған бир қисим районлири җиһадчилар вә чәтәлдин кәлгән пидаийларниң контроллуқиға өткән.

Түркийә ахбаратлириға қариғанда, түркийиниң искәндәрун райониға җайлашқан һәрикәтчан башқурулидиған бом қоюп бериш суписи нөвәттә сүрийигә йеқин ишаһийә йезисиға йөткәлгән.

Бүгүн сүрийиниң алеппо шәһиридә қозғилаңчилар билән сүрийә һөкүмәт армийиси арисида кәскин җәң болди. Хәвәрләргә қариғанда, қозғилаңчилар шәһириниң муһим түгүнлирини игилиди.

Сүрийидә 10 нәччә айдин буян давам қиливатқан тоқунушларда 20 миңға йеқин адәмниң қаза қилғанлиқи мәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт