Türkiye parlaménti süriye qararini maqullidi

Charshenbe küni süriyidin étilghan bir zembirek türkiyining süriye chégrasigha yéqin akchakale yézisigha chüshüp, 5 kishi hayatidin ayrilghandin kéyin, türkiye armiyisimu süriyidiki bir qisim nishanlargha qayturma zerbe berdi.
Muxbirimiz irade
2012-10-04
Share

Shuning bilen bir waqitta türkiye parlaménti yene hökümetke bir yil muddet boyiche süriyige qarshi chégra sirti herbiy heriket qollinish imkani yaritidighan bir qararnamini maqullidi.

Türkiye bash ministiri rejep tayyip erdoghan bügün bergen bayanatida, türkiyining süriyini bu jehette nurghun qétim agahlandurushigha qarimay bu xil hujumlarning dawam qiliwatqanliqini eskertip “Akchakalediki weqeni adettiki bir weqe dep qarashqa bolmaydu. Bizning niyitimiz hergiz qoshna dölet süriye bilen urush qilish emes, lékin süriyining pozitsiyisi bizni kéreklik tedbirlerni élishqa mejburlidi” dédi.

Amérika bügün türkiyining herikitini qollaydighanliqini we özining türkiyining yénida ikenlikini élan qildi. Tashqi ishlar ministirliqi bayanatchisi nulan bu weqening türkiyining igilik hoquqigha qilin'ghan dexli terz ikenlikini bildürüp, türkiyining weqege qayturghan inkasini “Orunluq we ölchemlik” dep bahalidi.

Xitay tashqi ishlar bayanatchisi xung léy bolsa türkiye we süriyini bir - birining igilik hoquqigha hörmet qilishqa chaqirdi. Weqedin kéyin türkiyining telipige bina'en shimaliy atlantik okyan ehdi teshkilati jiddiy yighin chaqirdi. Yighindin kéyin élan qilin'ghan bayanatta, süriyining bu herikiti xelq'ara qanunlargha xilap dep körsitildi we süriyini ittipaqdash döletlerge qaratqan hujumni derhal toxtitish heqqide agahlandurdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet