Türkiye milletchi heriket partiyisi wekilliri ürümchini ziyaret qildi

Türkiyidiki sherqiy türkistan pa'aliyetlirini izchil türde aktip qollap kéliwatqan partiye - guruhlarning biri bolghan milletchi heriket partiyisining bir wekiller ömiki ürümchini ziyaret qilip, ürümchi da'iriliri bilen söhbette bolghan.
Muxbirimiz ümidwar
2011-12-25
Share

Xitayning tengritagh torining ashkarilishiche, milletchi heriket partiyisining da'imiy mu'awin re'isi ildirim türkesh bashchiliqidiki mezkur hey'et 23 - dékabir küni axshimi ürümchide Uyghur aptonom rayonluq kommunistik partiye komitétining mu'awin sékrétari xenyong bilen körüshken. Xenyong türkiye wekillirige Uyghur élining ehwalini tonushturghanda islahat bashlan'ghan 30 yil ichide, bolupmu ürümchi weqesidin kéyin béyjingda échilghan merkezning shinjang xizmet yighinidin kéyin zor özgirishlerning bolghanliqi, iqtisad güllinip, xelqning xoshal - xuram we xatirjem turmush kechüriwatqanliqini bayan qilghan.

Partiye komitétining mu'awin sékrétari xenyong sözide yene Uyghur élining xitay bilen türkiye arisidiki munasiwetlerde köwrüklük we belwaghliq rol oynawatqanliqini tekitligen.

Melumki, xitay kommunist hökümiti eslide héchqachan türkler bilen Uyghurlar arisidiki étnik - tughqanchiliq we köwrüklük munasiwetlirini étirap qilmighan bolup, bu nuqtini tekitligenler pantürkizm qilmishi bilen eyiblen'gen idi. 5 - Iyul weqeside türkiye bash ministiri tayip erdoghanning xitayni qattiq eyiblishidin kéyin bashlan'ghan türkiye - xitay yéngi munasiwetliride türkiye terep izchil türde Uyghurlar bilen türklerning étnik tughqanchiliq munasiwiti we Uyghurlarning ikki dölet munasiwetliridiki köwrüklük rolini tekitligen hemde xitay terepmu bu nuqtini étirap qilghan idi.

19 - Dékabir küni xitaygha kelgen mezkur türkiye ziyaret we tekshürüsh ömiki

23 - Dékabirdin 27 - dékabirghiche Uyghur elide ziyaret we tekshürüshlerde bolidiken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet