Türkiye prézidénti abdullah gül xu jintaw bilen körüshti

Charshenbe küni türkiye jumhur re'isi abdullah gül xitay dölet re'isi xu jintaw bilen körüshti. Bu uchrishish xelq sariyida élip bérilghan bolup resmiy kütüwélish murasimidin kéyin ikki dölet hey'etliri ara uchrishish élip bérilghan. Uchrishishta 7 türde kélishim hasil qilin'ghan.
Muxbirimiz irade
2009-06-25
Share

Anatoliye xewer agéntliqining xewirige qarighanda, abdullah gül bu kélishimlerning 90 pirsentining iqtisadqa munasiwetlik ikenlikini, xitayning türkiyige hazirqi 60 milyon dollardinmu köp miqdarda meblegh sélishi üchün ulargha türkiyining muhimliqini chüshendürgenlikini éyitqan.

Xewerdin qarighanda yene, türkiye jumhur re'isi abdullah gülge uning tunji qétim Uyghur diyarigha baridighanliqi soralghanda abdullah gül":bizning Uyghur diyarigha bolghan qiziqishimizni xitay bilidu. Shunga ularmu bizni Uyghur diyarigha teklip qildi. Bu ikki dölet arisidiki ishenchtin bisharet béridu," dep jawab bergen.

Türkiye jumhur re'isi abdullah gül xitay dölet re'isi xu jintawning teklipige bina'en resmiy ziyaret üchün xitaygha barghan bolup, 6 - ayning 24 ‏ - künidin 29 - künigiche élip baridighan xitay ziyariti jeryanida, u, béyjing, shi'en, shénjin qatarliq sheherler bilen birlikte ürümchidimu ziyarette bolidu. Bu türkiyining jumhur re'isining tunji qétim Uyghur diyarida ziyarette bolushi hésablinidu.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet