Türkiye bilen xitay arisida 38 türlük soda-iqtisad toxtami we kélishimi tüzülgen

Xitay soda ministiri bashchiliqidiki xitay wekillirining türkiye ziyariti jeryanida xitay bilen türkiye shirketliri arisida 38 xil soda-iqtisad toxtami we kélishimi tüzülgenliki xitayning "xelq tori" teripidin xewer qilindi.
Muxbirimiz ümidwar
2010-01-10
Share

Xewerde éytilishiche, xitay bilen türkiyining soda-iqtisad we meblegh sélish söhbet yighini jeryanida xitay soda ministiri chén démin türkiye bilen xitayning soda-iqtisad hemkarliqining téz tereqqi qilip, yéngi esir kirgendin buyan ikki dölet sodisining 12 hesse ashqanliqini tekitligen hemde türkiye tijaretchilirining xitay bazirigha köplep kirishini qarshi alidighanliqini bildürgen.

Türkiye dölet ministiri zeper chaghliyan bolsa, türkiyining dawamliq shangxey dunya soda yermenkisini qollaydighanliqi we türkiyining dawamliq türde karxanichilarni ewetip, ürümchi soda yermenkisige qatnashturudighanliqini bildürgen.

Bu arida türkiye bash ministiri rejep tayip erdoghan chén déminni qobul qilip, söhbetleshkende 5-iyul weqesini hemde Uyghurlarning türkiye bolghan munasiwitini tilgha élip, Uyghurlarning türkiye bilen xitay arisidiki dostluq köwrüki ikenlikini tekitligen.

Rejep tayip erdoghan ötken yili 5-iyul weqesi munasiwiti bilen xitay hökümitini " milliy qirghinchiliq " qilmishi bilen eyibligen hetta Uyghurlar mesilisini b d t xewpsizlik yighinigha élip chiqidighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet