34 Neper "musulman qérindashlar jem'iyiti"ning ezasi türmidin qutuldi

Sabiq b d t atom orginining mes'uli elbaradini prézidént mubarek bilen söhbet ötküzüshke chaqirghan misirdiki chong siyasiy partiye "musulman qérindashlar jem'iyiti "ning 34 neper ezasi yekshenbe küni türmidin qéchip qutulghan.
Muxbirimiz ümidwar
2011.01.30

Mezkur 34 ademning ichide yette nepiri musulman qérindashlar jem'iyitining rehberliridin hésablinidiken. Mezkur yette adem qahirede yüz bergen namayishni qollighanliqi üchün mubarek hökümiti teripidin qolgha élin'ghan idi.

Amérika awazining xewer qilishiche, mezkur 34 adem türmidin qéchip qutulghan zor sandiki ademlerning ichidiki musulman qérindashlar jem'iyitining ezaliri iken. Hazirche mezkur qachurush weqesining qandaq orunlashturulghanliqi namelum.

Qahirediki namayishqa qatnashqanlarning sanining 50 ming etrapida ikenliki éytilmaqta. Namayishchilar "mubarek yoqal", dep sho'ar towlap, uning 30 yilliq hökümranliqigha xatime bérishini telep qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.